IMAGINE

 19 de xuño rematamos o curso cantando Imagine de John Lennon na graduación de 4ºESO. Moitos parabéns a todos os compoñentes do coro por polo traballo tan ben feito durante este curso. Feliz verán!

Tres historias no Pazo da Merced

 

Na ribeira de Neda rodeado de natureza levántase o Pazo da Merced, unha construcción do S.XVI chea de historia que conta incluso cunha pequena capela adicada á Virxe da Merced. Conta a lenda que xa na Idade Media, un paso por debaixo da ría conectaba o Mosteiro do Couto con esta beira da ría.       Durante o S. XVIII o pazo tivo actividade industrial como fábrica de curtidos e mediado o S. XIX funcionou como convento franciscano. Cara a 1925 pasa a mans do popular médico Francisco Cebreiro, Don Paco o da Merced, e xa na década dos 80 o pazo é restaurado para converterse en aloxamento turístico.

Todo este patrimonio e riqueza cultural moveu este curso a imaxinación e creatividade do alumnado de 4º ESO que ideou dende cero a creación das seguintes pezas audiovisuais: temas, guión , personaxes, ideas musicais,interpretación, gravación e  montaxe.

Actividade enmarcada no Plan Proxecta de patrimonio, Proxecto Didáctico Antón Fraguas

Encontro coral

 O coro Solidarium do IES Terra de Trasancos visitounos o pasado 26 de maio, e pasamos unha xornada fantástica xuntos, para escoitar, cantar e aprender!

Alumnado do coro en Celanova

 19 de maio. Alumnado das diferentes actividades promovidas polo centro durante este curso; clubs de lectura, papiroflexia e coro tiveron a oportunidade de pasar o día na vila de Celanova en Ourense, visitando o seu coñecido mosteiro, parte do cal constitúe tamén o IES Celso Emilio Ferreiro de Celanova. Unha xornada completísima con concerto de órgano, piano, poesía, historia e natureza.

Organista e coro interpretaron "Herba de namorar", non estaba preparado pero saiu moi ben!

Ligazón á carpeta de fotos

Gravacións no Pazo da Merced

18 de maio. No marco do Plan Proxecta (Proxecto Didáctico Antón Fraguas), o alumnado de 4º ESO de música visitou o Pazo da Merced, onde realizou unha serie de gravacións de cara a completar o seu proxecto de creación audiovisual.

Pegadas medievais

 Alumnado  de 2º ESO desprazouse en maio ao concello de San Sadurniño. Na búsqueda do pasado e patrimonio medieval estivemos no Castelo de Naraío. Como irmandiños pero armados con frautas e guitarras exploramos as súas ruinas e paseamos pola fraga que percorre o río Castro deixando a nosa pegada musical. Pegada  que tamén deixamos xunto ao convento do Rosario, cuxo pasado é templario, pero que máis adiante pasou a ser convento franciscano e dominico e en cuxa igrexa están soterrados destacados persoeiros medievais da nosa bisbarra. Rematamos a mañá no Pazo da Marquesa, onde actualmente se atopa o concello. Ali fixemos a última interpretación musical e o alcalde achegouse a escoitarnos.

Esta actividade estivo enmarcada dentro do Plan Proxecta de patrimonio, proxecto didáctico Antón Fraguas.

Cartafol de fotos

Outro ano participando no Musiqueando

 Alumnado de 2º e 3º ESO participa no Musiqueando 2026, iniciativa promovida pola COAEM en todo o estado, que consiste en sacar o traballo feito nas aulas á rúa para poñer en valor a importancia da educación musical en todas as etapas do proceso educativo. Estas actividades estiveron enmarcadas tamén no Proxecto Didáctico Antón Fraguas (Plan Proxecta de patrimonio), no que o centro participa.

No pazo de San Sadurniño, alcalde baixou a escoitarnos

#Musiqueando 2026

#Proxecto Didáctico Antón Fraguas

Loch Lomond en Xubia

 O alumnado de 3º ESO interpretou esta coñecida melodía popular ecocesa, o pasado 27 de marzo na visita ás instalacións de Galicia textil. Esta histórica fábrica de Xubia, centro de actividade para toda a comarca situada xunto á desembocadura do río, conserva algúns edificios lembranza do seu pasado, como a capela do S.XIX onde tivo lugar esta interpretación.

Esta actividade estivo enmarcada no plan proxecta de patrimonio: proxecto didáctico  Antón Fraguas.

Rosalía no piano

 Con ocasión da celebración do día de Rosalía, xa empezado o mes de marzo, Mikaella Santos acompañou ao piano aos seus compañeiros de 2º Bach, Xavier e Natalia, que fixeron unha lectura do coñecido poema de Rosalía. A interpretación ao piano de Mikaela foi propia e orixinal, adaptada a este poema.

Grazas aos tres!

Innovart 2026

 O mércores 11 de febreiro o alumnado de 4º ESO, tivo a oportunidade de asistir ao evento Innovart 2026, que durante estes últimos anos se ven celebrando para mostrar as posibilidades das ensinanzas artísticas, así como das deportivas e de idiomas.

Profundizamos na cultura chinesa co obradoiro: O chinés ao teu ritmo.

Nadal 2025

 Aquí tedes unha mostra das actuacións musicais que tiveron lugar no festival de nadal do pasado 19 de decembro. Parabéns a tod@s pola vosa participación.

Concerto de Nadal no auditorio de Ferrol

 Como outras veces, a Sociedade Filarmónica Ferrolana  pon a disposición do alumnado dos institutos de Ferrolterra entradas nos concertos que organiza. Nesta ocasión foi para o concerto de nadal do 18 de decembro, ao que asistiu o alumnado do coro que mostrou dispoñibilidade. Unha oportunidade e unha experiencia!

Recitado de poesía no Carvallo Calero

 O alumnado de 4º ESO de música, realizou o pasado 27 de outubro, un dos recitados de poesía cos que o noso centro participou no encontro de poesía entre centros de Ferrolterra, no centro cultural Carvallo Calero.

Recitaron o poema "Auga" de Xosé Neira Vilas sobre unha base musical e audiovisual creada por eles mesmos para esta ocasión. Unha vez no instituto levamos a cabo a gravación das voces na aula de polos creativos e este foi o resultado.

Esta actividade estivo ademáis enmarcada no plan proxecta de patrimonio: proxecto didáctico Antón Fraguas

Historias de de Samaín

30 de outubro 2025 historias arrepiantes percorren o instituto, outro ano máis asistimos á visita dunha misteriosa comitiva.

E tamén

 Alumnado de coro acompaña na biblioteca, aos relatos das gañadoras do concurso de microrelatos de Samaín.

Nunha noite escura e bretemosa....

Concerto didáctico Play List. Real Filarmonía

 O venres 24 de outubro, o alumnado de 3º ESO tivo a ocasión de asistir ao concerto didáctico Play List, ofrecido pola orquestra Real Filarmonía no auditorio de Galicia en Santiago, dirixida por  Sebastián Zinca e apoiada co relato de Miguel Ángel Cagigal "O Barroquista" . Neste concerto exploramos as emocións que pode provocar en nós a música clásica, a través de obras de varios compositores como Biber, J. Strauss, Händel, Morricone ou Beethoven.

Auga

Abrimos novo curso no blog a través do resultado fotográfico e musical, dun paseo realizado a principios de outubro polo alumnado de 4º nunha clase de música. A auga foi o principal motivo e será tamén o tema do recitado de poesía que terá lugar no centro cultural Carvallo Calero en Ferrol o próximo 27 de outubro.

Plan Proxecta Antón Fraguas

Tríptico do Plan Proxecta Antón Fraguas, coa participación activa do alumnado de música

 

Celebramos a chegada do verán

O noso centro celebrou con música tradicional o solsticio de verán, unha época de calidez, luz e abundancia. Unha colleita de cantigas que se traballou no marco Plan Proxecta Antón Fraguas.

 

CELEBRAMOS AS LETRAS

16 de maio, celebramos as letra galegas, adicadas este ano á poesía popular de tradición oral e cantada. Celebrámolo con música tradicional cantada, tocada e bailada.

Ademais o día 19 cantamos no corredor

 

VISITA E MÚSICA NO MUIÑO DE XUVIA

O pasado 25 de abril o alumnado de 3º ESO realizou unha visita guiada ao muiño de Xuvia. Actividade enmarcada dentro do Plan Proxecta Antón Fraguas. Ademáis levaron a cabo neste entorno tan destacado na historia local, a interpretación da melodía popular irlandesa Bryan Boru´s march.

Pola súa parte alumnado do coro interpretou unha das cantigas do trobador Fernando Esquío Vaiamos irmana, a cal transmite un estreito contacto coa natureza e insinúa o profundo valor da beleza e as artes.

Resumo da visita guiada