MUSIQUEANDO 2025

 O pasado venres 11 de abril, unha vez máis saimos á rúa para celebrar o Musiqueando e para sinalar a importancia do ensino musical en todas as etapas do proceso educativo. Esta actividade está promovida pola COAEM (confederación de asociaciones de educación musical del estado español) e ten seguimento en innumerables centros de primaria e secundaria.

A actividade estivo enmarcada tamén dentro do Plan Proxecta de patrimonio Antón Fraguas, no que o centro está inscrito, polo que realizamos un roteiro dende o instituto, cruzando a vila de Neda e a ría, pasando pola igrexa gótica de San Nicolás e chegando ata o mosteiro románico de San Martíño no Couto, onde fixemos a intepretación de dúas cantigas medievais.

Estas son algunhas pegadas do noso percorrido

Alumnado de 2º ESO e alumnado do coro do IES Fernando Esquío

Resumo do roteiro e a visita realizada

OFERTA DE MATERIAS OPTATIVAS DO DEPARTAMENTO DE MÚSICA

OFERTA DE MATERIAS OPTATIVAS DO DEPARTAMENTO EN 4º ESO E  BACHARELATO

 

Preguntas sen resposta?

 O pasado venres 7 de febreiro o alumnado de 3º ESO puido disfrutar do concerto ofrecido pola orquestra Real Filarmonía no Auditorio de Galicia en Santiago. O título da proposta: Preguntas sen resposta? Por medio da intelixencia artificial os compositores Mahler, Shostakovich, Ives e o gran Beethoven, asistiron á sala explicando persoalmente as súas obras. Un repertorio que planteaba algunhas cuestións existenciais, facendo pensar aos preto de mil rapaces e rapazas que asistiron ao evento.

Completamos a mañá cunha interesante visita ao Museo das Peregrinacións

Ligazón ao cartafol de fotos

Nadal 2024

20 de decembro, celebramos a chegada do Nadal e das vacacións.

Grazas a todos e todas por participar e Feliz 2025 

Lamentablemente non temos ningún vídeo da actuación do coro ese día, polo que vos achego esta gravación de audio feita na aula de música, de un dos temas que cantamos Now the sun is shining 

Chea de vida. Cantamos polo bo trato.

O alumnado de 1º ESO participou na marcha polo bo trato, percorrendo todo o paseo marítimo ata a praza do concello, onde se gardou un minuto de silencio. Na casa da cultura leron poemas e fixeron fantásticas postas en escea, para concluir cantamos a canción de Guadi Galego: "Chea de vida"

Arrepiante Samaín 2024

 O alumnado de 3º ESO preparou este arrepiante Samaín, e unha misteriosa comitiva percorreu os corredores do instituto.

O alumnado do coro fixo tamén a súa primeira posta en escea.

Parabéns a todos!

Retomamos os ensaios do coro